Dənizkənarı Milli Parkın bağbanları yaz mövsümünə hazırlaşırlar. Bu il Bulvar ərazisində 8 çalarda ümumilikdə 80 mindən çox dağlaləsinin əkilməsi planlaşdırılıb.

Bağbanların zəhməti, səbri və sevgisi ilə ərsəyə gələn bu güllər mart ayından etibarən parkın müxtəlif hissələrində açaraq ziyarətçilərə baharın əlvan rənglərini və əhvalını bəxş edəcək.

Dağlaləsi sərt iqlim şəraitinə davamlı və parlaq rəngləri ilə seçilən nadir bitkilərdəndir. Son bir neçə il ərzində onların Dənizkənarı Milli Park ərazisində əkilməsi Bakı bulvarına özünəməxsus bir gözəllik qatır.