“Buta Airways” jurnalının yay buraxılışında Bakı Bulvarının 110 illiyinə həsr olunan məqalə dərc edilib. “Bakı Bulvarı: tarixə səyahət” adlı məqalədə bulvarın yaranma tarixi, keçdiyi inkişaf yolu xronoloji ardıcıllıqla təhlil edilir. Oxuculara maraqlı tarixi faktlar, Dənizkənarı Milli Parkın bugünkü mənzərəsi, aparılan abadlıq-quruculuq işləri, Bakı Bulvarının simvolu sayılan istirahət-əyləncə məkanları barədə ətraflı məlumat verilir. Məqalə Dənizkənarı Bulvar İdarəsinin məlumatları əsasında hazırlanıb.